最近 公司多了一個新BLOG blog.tvb.com/SharonLuk/index , 但因為連接問題, 在這兩天應該可完全"投入服務"了~ 我這個BLOG的資料亦會forward去新的BLOG, 也會把我在報章中的專欄章貼在新BLOG, 希望比大家耳目一新嘅感覺啦~

早前在"慧研25th晚會"的後台自拍~ 又一次機會同多位歴屆師姐聚面. 所以話: 不要小看女性的能力~ haha~

上星期更有幸當信和集團及經濟日報合辨的"生活教曉我-網上寫作比賽"的推廣大使, 希望有更多中學及大專生利用互聯網和大家分享自己的作品. 不同時段更有不同的題材, 詳情: www.onlinewriting.com.hk 從生活中的體會, 悠心的令略~

Happy Mid Autumn Festival day~

Finished live show & celebrated Mid Autumn with over 2000 people in Shatin last night~ Great & such a good weather (not raining when on air). haha~ Met reporters & some camera-men, & said I look skinny..... don't know it is good or not, but I'm not intentionally on diet, keep eating but can't get fat.... Don't worry~ just need to take more rest ^.^

The drama regarding Cats & Dogs is in progress, will having some more outdoor filming in next two weeks~ will keep on my hard hard working as it's my first drama acting in my life~ add oil~

尋日全日拍攝"同車生活"外景, 早上去筲箕灣東大街一間為刮花了車身噴油嘅鋪頭; 真巧合, 早幾日我都刮花丁車頭"泵把", 可惜吖~ 我無揸車開外景, 坐公司車可以下稿休息吓嘛~ 相信整車嘅錢都係唔慳得喇! -.- 今個月仲比交通警叔叔抄咗三大張"牛肉乾", 仲扣咗三分..... 呢個月真係要努力啲做嘢先得喇....
呢幾晚嘅睡眠質數都極差~ 成日半夜兩, 三点醒咗, 到天光先瞓得一陣, 真係名符其實一對"熊貓眼", 要增取多啲時間冬眠呢~ haha~

http://the-sun.on.cc/channels/fea/20070912/


韻味非凡 ~ 太陽報

豪宅
12/09/2007文： 陸詩韻

最近我當上了一個電視節目的主持，負責介紹香港的豪宅、靚樓、樓市情報、家居裝修和設計等，完全似「一站式」服務般。當然，令我大開眼界之餘，也勾起置業的念頭啊！
估不到香港這個「彈丸之地」，藏無限的豪宅和靚景！除了出名豪宅多的種植道、山頂道、柯士甸山道、白加道和淺水灣道外，另一個吸引我的便是司徒拔道了。何解？當我讀中學時，曾當選民登記員（當然是有錢賺的啊！）。一心只想賺外快，連派去甚麼地方作家訪登記也不知道的情況下，便首次派往了司徒拔道。
雖然不是每座都是獨立屋，但那清幽的環境，加上交通方便，住得豪但卻低調。到現在也深深愛上這地方。
因為拍攝這節目的緣故，對裝修和傢俬設計等變得有所執。簡約得來又要有其特色，這點相信要和設計師有所默契了。在家中裝置一些電動貯物櫃，真的慳位又有型。也見過單單一個廚櫃組合，有齊蒸、焗、雪櫃和微波爐，已花費超過二十萬！要幾豪有幾豪呢！傢俬方面更加不用多講有多花款了！
欣賞過靚樓加靚裝修，原來毫無置業心態的我，也蠢蠢欲動。但是，當然要看看自己有多努力去工作，才有多豪的居所了！

最近schedule都比較密, 直播, 同車生活, 劇集和活動時間也常有變動. "忙"是福氣呢! haha~ 早兩日去灣仔JAS拍攝名車, 老闆和店員見我揸了車但又未找到車位, 狠狽極, 二話不說安排了他們的私伙車位給我, 簡直服務周到, 到拍攝時也特別落力呀~ ^.^

星期六下午去了Times Square為志蓮義賣月餅, 為教育事務籌款. 我當然落力啦, 但奈何喉嚨痛和感冒未能留得太久~ 我都有買啲返屋企呀! 走嘅時候工作人員仲送多兩盒比我, 但係我未敢收下呀, 因為我答應係義務不收分毫, 不如買給其他人更可籌多点点善款呢! 的確是有意義的一天~

尋日第一日開劇集"當狗愛上貓"外景, 啲狗仔好聽話好可愛~ 仲同真正嘅獸醫傾計, 了解多啲動物有關嘅嘢~ 希望扮演獸醫的角色更神以啦~ 好順利, 仲比預期拍攝時間更早完成tim~

之後便趕去灣仔拍攝"同車生活"外景. 一点都覺累, 反而更精神喎! 可能我患咗過度活躍症啊! HAHA~ 今日出席慧研雅集在奧海城的賣物會慈善活動, 多人之餘大家也很熱心為籌款出力, 也影了很多相呀! 而在場的涼果店老闆也很客氣, "飛機欖", "砵仔糕"...... 令我"肚滿腸肥"呢!

下星期開始會再投入騎馬, 上月因工作關係已很久沒有探望馬兒了, 希望牠們還記得我啦~ ^.^

http://sharonluk.net/index.html

尋日在ＥMax出席遊戲機宣傳活動, 知道九月份部新機喺香港有得賣, 好其待啊! 因為我一向係棒塲客, 開工有時都會同工作人員對打下, 吐論吓~ 件衫亦好有美感, 真的表現天使的感覺. 對我來說, 整體感覺最重要, 健康性感不失幽雅, 要恰到好處也頗有難道, 今天也很滿意自己表現呢~

早前為"功夫之星"和師姐郭羨妮拍了段打鬥片段, 第一次吊wire一個打十個, 又揸槍又爆破, 出街的效果也很好啊! 真多得平日跳舞老師的幫助, 當然唔少得當日嘅龍虎武師和動作指導對我的耐性呀~ haha~ 師姐郭羨妮也有從旁提点, 我們之前也有合作節目, 入行前也是空中服務員, 傾得特別投契, 給我感覺很温文, 希望以後有便多機會合作呢!

http://www.i-tv.hk/index.php?op=default&k=RVVvfTV8lCUu

今日出席活動做嘉賓玩遊戲, 要矇眼唱歌加試味, 一口wasabi加辣醬.... 哈~好搞笑~ 主持仲係我欣賞嘅台灣鬼馬主持庾澄慶加埋鄧健泓, 新組合一定有新鮮的火花~

有娛樂新聞台訪問時才知有週刊影到我和陳志健high tea & shopping wor!! 唉~冤枉呀! 嗰日係去咗尖沙咀海港城, 不過大家只係講一啲關於苗圃行動義工嘅事, Otto想邀請一起幫手. 他手機中的合照當然不是我啦! 傾完之後順便去買條靚啲嘅裙出席Aug11的香港先生選舉, 大家各有各睇, 都唔知点解寫到咁都得! 不過清者自清, 何况衆所周知我不會與年紀比我輕的男仔拍拖啊! 無安全感! Otto細過我~ 不攻自破呢!

近排忙排舞同勁哂太陽, 好enjoy有太陽伯伯的日子~ ^.^ 自從一月仁濟夜表演跳舞之後, 今次相隔半年了, 希望比上次更好吧! 下個月會嘗試拍劇, 自從上次"律政新人王II"客串後, 今次正正式式有個角色, 真衷心多謝監制比機會作新嘗試. 定會盡心做好手上所擁有的工作, enjoy each moment~

早兩日終於有時間幫我啲指甲扮靚靚喇~ 當然唔係自己整啦, 我有位朋友嘅家姐好好人, 喺銅鑼灣Red Mall 1/F 有間美甲鋪頭. Location好方便, 整完又可以行下街shopping吓! ^.^ 最估唔間嗰道好private, 好有私人空間, 因為靚靚老板娘每次只會接一個客人, 感覺好舒服~ 老板娘仲好nice tim ar~ 好快就過咗兩個鐘lu!

今日知道星期五要去長隆幾日, 拍攝玩樂特輯, 同行仲有好多人tim, 一定好好玩喇! 但係都會好熱, 想哂黑多少少 ^.^ 都要帶定防哂, 唔怕哂傷嘛~

最近上網時無聊看看星相命理, 睇下山羊座嘅一啲行為性格以唔以自己. 哈~ 又真係幾以wor~ 固執, 穩陣, 不會幻想非現實的事, 要用工作塞滿24小時才覺充實的工作狂. 在愛情方面愛得實際, 絕對不能有情飲水飽! 自我保護意識强, 事實上欠缺安全感. 不夠浪漫, 但卻專一. 最大成就是事業有成, 充滿要求的..... 嘩! 唔駛睇月亮星座都已經中咗90%, 開始有啲興趣下呢啲我一直都唔信嘅星相命理.

有啲人最初識我, 會覺得我有啲cool, 女人味較少女味重, 都慣咗~ 可能由細到大所接觸嘅事都比同年紀的多. 有啲話我上鏡個樣同真人好唔同, 真人個樣原本young好多.... 無所謂~ 每個人都有長短處, 手指都有長短, 無人十隻手指一樣長嘅~ 以前都會介意! 宜家無lu~ 我係我, 無第二個, 呢個己經係unique啦~ haha~

識我嘅人, 知我好多嘢講, 講到三個鐘頭食完飯都唔識停, 因為怕悶, 好怕泠清清的氣氛. 講吓笑吓, 時間都不知過得幾快呀~ ^.^ 但係靜起上嚟, 我又會一個人揸住架車去赤柱, 石澳, 飲吓嘢, 睇吓啲情侶点甜蜜, 点鬧交; 啲父母点愛錫, 点教自己的小朋友; 有啲英文講得唔係太好的店員点加埋身体語言去同遊客溝通, 去做成一單生意; 遊客又点講價呀.... 人生百態, 呢個moment睇得最清楚.

啱啱外景完K-1格鬥技, 返屋企休息一陣, 好嘢~ 今日去騎馬lu~

最近真的比較忙, 唔係愉懶唔寫blog呀! weekday通常忙"娛樂直播", "同車生活"主持, "新節目 - 日本Ｋ-1格鬥技"主持(共五集), 和報紙, 雜誌影相訪問. 呢兩星期連騎馬的時間都少咗~ 加上Marketing要交assignment & essay.... 今個星期仲考第一科, 好緊張呀~

好彩夜晚都有時間同朋友食吓飯飲下嘢~ 尋日有朋友從上海來港, 四五顆兒去了TST The Luxue Manor食飯, 香賓加白酒, 果然厲害!!

Great~ just have a look of HIM Magazine pics which I took & published this edition, seem really diffient feeling & styling as before~ Love it much ~ Also with Tracy & Leanne interview as well, a valuable edition... haha~~ ^.^

Looking forward the publish for new version of HIM Magazine, Chief Editor, Reporters & Photographer are all very kind to me & took lots of pretty & great pics~~ ^.^

呢兩個星期日日都落雨, 好想見吓太陽伯伯呀!~ 因為讀緊學士課程, 今個星期仲要交論文, 仲未有idea..... 点算呢~

早兩日出席咗"同車生活"嘅記者會, 喺淺水灣Benz performance studio 舉行, 見到靚車又再心動想由兩門換四門, 今次希望用自己的血汗錢買, 要再努力啲了!

有時一個人孤身作戰, 日日只埋頭工作, 的確希望身邊會有人支持, 關心自己. 當有開心同不愉快時可以依靠. 這些日子, 我過得充實, 但也時而寂寞. 從小開始一直相信緣份, 無論多遠, 甚至背景有多不同的... 但又害怕被欺諞和失去的感覺... 這世上還有不說謊的男人嗎? 內心感受未必人人領悟, 只是少少舒發.

-.- 日日都落雨.... 好想見下太陽伯伯啊~ 又係時侯要哂太陽喇!

星期日出席九龍公園舉行的體育節閉幕禮, 和家樂仔當MC. 天氣真的熱得很.... 但一班表演的嘉賓要穿着長袖衫吹奏和跳舞, 比我辛苦百倍啊! 但大家都很enjoy節目順利完成~ 星期六下午三点會剪成半個鐘的節目播出.

Tuenday在沙田出席慧研活動, 嚟緊的日孑我會多啲出席或幫忙, 希望盡一点member的責任呢~

Went for horse riding on Monday & Tuesday as usual~ 但今次因為不小心第一次被馬兒拋了落地... 頸和腰的確有点痛, 幸沒有被它踏倒, otherwise..... 第二日, 更痛!! 但一定要堅侍繼續, 怕自己隔太耐會有陰影. 好多朋友因為一次墮馬而以後也不敢再騎了! 我當然不會! 可能我硬頸啦~

之後去尖沙咀厚福街食潮洲菜, 好耐無去了~

Wed, Thu & Fri (Rainy day) -.- 外景拍攝加上落雨, 三日都無得見馬馬了....

前日上娛樂直播, 但今次是做嘉賓喎! 仲有Ann, Joe同康年, 被訪問的心情一啲都唔緊張, 仲好輕鬆好好玩~ 而今日係Vinci最後一集直播了, 一路以來Vinci同我合作過好多節目, MC同外景.... 教我好多人生道理, 問心真係唔捨得少咗個咁好嘅拍擋. 作希望他在往後的事業上更出色和享受, 衷心祝福他!

錄影完就去騎馬喇! 今次好特別, 師父教我試下放哂"薑繩"令隻馬跑, 初時我都以為自己唔得, 但聽着指示, 放鬆自己和嘗試, 竟然成功呀!!! 勁開心~ 當晚仲約咗兩個好耐無見嘅朋友去龍華食乳鴿, 好正好美味! ^.^

今日有少少落雨, 加上有啲腰酸背痛, 都係享受吓family day最好喇~ 剛剛知道星期三娛樂直播會當主持訪問嘉賓, 而嘉賓更是在生活台新節目的眾主持, 我也是一份子啊! 一人分飾兩角, 相信感覺一定好特別呢~^.^

前日喺奧海城出席英語節活動, 可能因為係public holiday所以都有好多人圍觀. 完了function便直接去騎馬了~ 已經連續三日但仍然好enjoy ar~ 天氣真係好好好好熱呀! 之後就約咗朋友喺中環食法國菜, portion雖少, 但勝在可試多啲款色同色香味有保證嘛~ ^.^

尋日五点幾起身, 七点幾去到港澳碼頭搭船往珠海國際賽車場出席Audi's driving experience活動並拍攝, 這一趟主要招呼各傳謀. 場內更有多位來自德國的導師教即時反應殺車技巧, climbing, quick change lane, 急速轉彎等.... 嘩~ 我無諗過我會試哂全部, 因為始終覺得自已駕駛技術還有改良地方, 但最後竟然全部完成, 仲獲得大會頒發的證書呢! 這次連左右軚, 不同性能的車也試過, 路前設計更讓我能駕着車攀山涉水,這在香港可不能啊~

我刻意不塗Sun Block, 希望曬黑啲~ 經過一日的行程, 真的黑咗唔少, 連shoulder都曬到甩皮tim~ 哈哈~ 掛著玩都唔覺痛, 但今朝瞓醒就......嗚....

尋日雖然落雨, 但都要外景, 好彩全部都室內而且好快完成. 本來落雨要cancel騎馬架! 四点鍾見啲雨停咗, 就即刻再book, 終於都可以見下啲馬仔喇~ 好開心! 今日當然如常騎馬啦! 仲同佢哋愈來愈合拍tim! ^.^

今朝早拍同車生活promo, 要扮賽車女郎, 好好笑好得意!

由歴屆香港小姐組成的慧研雅集慈善團体, 今年己是25週年了~ 估唔到小時侯在電視上見到的港姐師姐們, 現在自己竟能成為一份子之餘更能和眾師姐們一同工作, 真是意想不到啊! 晚宴8時開始, 但因rehearal所以4点鐘便到了Grand Hyatt. 記得上年的同一個晚宴上, 以應屆港姐身份獻唱了一曲, 幸好未有出洋相~haha~ 今年我們一共十個女仔唱出不同歌曲以帶出慧研多年來的建會事績和歴程~ 最特別是我們的總經理陳志雲先生更和Ellen Ng合唱經典中英文金曲, 全場氣氛非常熱烈呢!

每位嘉賓打扮得靚靚出席, 而我的晚裝也要謝謝設計師為我花盡心思, 手工精細之餘更十分合身~ 宴會中也碰到不少朋友, 整晚也沒有坐定定的, 言談間時間過得很快, 晚會亦在午夜前完滿結束~

今年年初才加入慧研, 是新會員啊! 可能今年未必能在行政上出力, 但參與和享受是第一步, 希望以後可多出一分力在慈善工作上啦~ 集合多屆的港姐們可造出如此出色的團体, 令我引以為傲, 更不要少看女性的能力啊!haha~

母親節快樂呀! 這兩天出席了幾個活動, 見到很多曾在我網頁留言的朋友, 多謝大家的支持呀! 昨天在奧海城的function是有關飛機花式飛行的節目, 和我以前的職業有点点關係呢~

今天一早去了珀麗灣參加一個有關女性防癌基金的慈善跑開步禮, 見到有一家大細和寵物也參與, 加上是母親節, 雙重意義呢! 下午在樂富的function, 記得上年是在赤柱舉行, 這麼快便一年了~ 今晚會和媽咪吃頓豐富的, 希望媽咪永遠身体健康, 開開心心!

上星期五出席了在美麗華酒店舉行的'瑞士鐘錶展', 十多個國際知名的鐘錶品牌展示出價值不菲的名貴手錶, 更有幸佩戴行show當模特兒示範, 簡直愛不惜手啊!! 行完show當然要大吃一餐舒緩一下啦~ 酒店的甜品我當然唔會放過啊!

未知是否天氣影响呢, 這個星期也沒什胃口, 瘦了幾磅, 算吧! 順道減肥迎夏天啦~ 今天下午出席了'慧研雅集25th銀夜會'的記招, 一次過與多位歴屆師姐會面, 相信在19th當晚會更熱鬧啊! 見到各師姐們也為今次的晚會勞心勞力, 自己也希望可以幫手作少少貢獻... 當晚會和幾位師姐會表演唱歌, 帶出和諧氣氛~

近來所拍的新節目'同車生活'已拍到第四集了, 熱愛享受揸車樂趣的我當然不忘影相啦!! 我的拍擋主持游莨維Joe也是個很勤力和風趣的男孩, 不用埋位時也不會覺得悶呢!!

對我來說,做藝人的當然越忙越好, 放假對我太奢侈了! 只有不停的工作才帶給我動力, 也知道有很多朋友關心我太忙而忘了健康身體. 請大家不用擔心呀! 這股動力才使我更即極, 真心多謝大家對我的支持, 會努力之餘也會keep好身體啊! ^.^